ÝUNESKO-nyň IŞLERI BARADA TÜRKMENISTANYŇ MILLI TOPARY

“Türkmen halky beýik sungaty, nusgawy kadalary we gaýtalanmajak medeni mirasy bilen giňden tanalýar. Türkmen medeniýeti dünýä medeniýetiniň ösüşine mynasyp goşant goşdy. Biz medeniýet ulgamyny döwrebap ýagdaýa getirmek, mili mirasymyzyň gymmatlyklaryny düýpli öwrenmek, gorap saklamak we dünýä ýaýmak boýunça işleri dowam etdireris. Şeýle hem taryhy-medeni mirasymyzyň desgalaryny abat saklamak, öwrenmek, taryhy we medeni ýadygärliklerimizi dikeltmek işlerini-de alyp barýarys. Şonuň ýaly-da, ÝUNESKO-nyň adamzadyň maddy däl medeni mirasynyň sanawyna girizmek üçin bu desgalaryň sanyny artdyrmak boýunça hem işleri geçireris”

2025-nji ýylyň 11-nji noýabrynda wezipä girişenimde, Baş direktoryň we Sekretariatyň ilki bilen agza döwletlere we olaryň üsti bilen öz halkyna hyzmat edýändigine düşünýärin. Men hemmeler bilen açyk we konstruktiw dialogy üpjün etmek hem-de ÝUNESKO-nyň we BMG-nyň ähli ulgamlarynyň çäklerinde inklýuziw, çeýe we durnukly hyzmatdaşlygy güýçlendirmek üçin iş alyp bararyn.Men Türkmenistanyň hökümeti bilen ýakyn hyzmatdaşlyk etmäge, şol sanda bilelikdäki Meýilnamany täzelemek we ylalaşylan maksatnamalary durmuşa geçirmek arkaly, umumy köpugurly gymmatlyklarymyzy öňe sürmek we hakykatdan hem adamlara hyzmat edýän ÝUNESKO-ny gurmak üçin ygrarlydygymy tassyklamak isleýärin.